พหุโต นํมฺหิ –

48. พหุกตินฺนํ

นํมฺหิ พหุโน กติสฺส จ นุก โหติ ติลิงฺเคฯ พหุนฺนํฯ เสสํ ภิกฺขุสมํฯ

วตฺตุ สิ,

57. ลฺตุ+ปิตาทีน+มา สิมฺหิ

ลฺตุปจฺจยนฺตานํ ปิตุ+มาตุ+ภาตุ+ธีตุ+ทุหิตุ+ชามาตุ+นตฺตุ+โหตุ+โปตูนญฺจา โหติ สิมฺหิฯ วตฺตาฯ ‘‘กตฺตริ ลฺตุ+ณกา’’ติ วิหิตลฺตุปจฺจยสฺส คหณา ยโต ธาตุโต หิ โส วิหิโต, ‘‘ปจฺจยคฺคหเณ ยสฺมา โส วิหิโต, ตทาทิโน ตทนฺตสฺส จ คหณํ’’ติ ญายา ตทวินาภาวโต ตทนฺตธาตุโนปิ คหณํติ ลฺตุปจฺจยนฺตานํติ วุตฺตํฯ

162. ลฺตุ+ปิตาทีน+ม เส

ลฺตุปจฺจยนฺตานํ ปิตาทีนญฺจา+รง โหติ สโต+ญฺญตฺรฯ ‘‘อารงสฺมา’’ติ โฏ, วตฺตาโรฯ

58. เค อ จ

เคลฺตุ+ปิตาทีนํ อ โหติ อา จฯ โภ วตฺต วตฺตา, วตฺตาโรฯ วตฺตารํ, วตฺตาเร วตฺตาโรฯ นาวจนสฺส ‘‘ฏา นาสฺมานํ’’ติ ฏา, วตฺตาราฯ

166. สุ+หิสฺวา+รง

สุ+หิสุ ลฺตุ+ปิตาทีน+มารง วา โหติฯ วตฺตาเรหิ วตฺตาเรภิ วตฺตูหิ วตฺตูภิฯ

165. สโลโป

ลฺตุ+ปิตาทีหิ สสฺส โลโป วา โหติฯ วตฺตุ วตฺตุโน วตฺตุสฺสฯ

163. นํมฺหิ วา

นํมฺหิ ลฺตุ+ปิตาทีน+มารง วา โหติฯ วตฺตารานํฯ

164. อา

นํมฺหิ ลฺตุ+ปิตาทีน+มา วา โหติฯ วตฺตานํ วตฺตูนํฯ สฺมาสฺส ฏา, วตฺตาราฯ

174. ฏิ สฺมิโน

อารวา+เทสมฺหา สฺมิโน ฏิ โหติฯ

176. รสฺสา+รง

สฺมิมฺหิ อาโร รสฺโส โหติฯ วตฺตริ, วตฺตาเรสุ วตฺตูสุ วตฺตุสุฯ เอวํ –

เอวํ ภตฺตุ กตฺตุ เนตุ, โสตุ ญาตุ เชตุ เฉตฺตุ;

เภตฺตุ ทาตุ ธาตุ โพทฺธุ, วิญฺญาเปตาทโยปิ จฯ

สตฺถุสทฺทสฺส ปน นามฺหิ พหุลาธิการา ‘‘ลฺตุ+ปิตาทีน+มเส’’ติ วา อารวาเทเส สตฺถารา สตฺถุนาฯ เสสํ วตฺตุสมํฯ

สิมฺหิ อา, ปิตาฯ ‘‘ลฺตุ+ปิตาทีน+มเส’’ติ อารวาเทเส –